قصة الجبنة

اذهب الى الأسفل

قصة الجبنة

مُساهمة من طرف Alshoukry في الأحد نوفمبر 20, 2011 7:31 pm

دى من ديوان المضاحك كان جاء كرة وابراهيم ود عون فى سوق النصوراب وعزمهم جاد الكريم ود عباس يشربوا جبنة عند وناسة
والوطة مغرب وهن ما ناس قعاد دنيتهم بقفاها قيامة وحرم عليهم يشربو الجبنة ست البيت مرقت عدت الجبنة ودخلتلها لى حاجة تجيبها من جوه وحضروهم اتنين مقطوعين نصيب وموجعاهم عزومت الجماعة ديل سرقوا الجبنة وفاتو هى وكت قلت بنها فقدت الجبنة لقتها مافى قالتلو يا خال دفع الله اخليكم حد الجبنة تخلو الناس يشيلوها ويمشو قالو ليها كان عارفين فى مطالقة جبنة كنا ساهرنالها شحدة لها جبنة من جيرانها وسقتم الجبنة على حسب عجلتم وشربو الجبنة للتالت وبدل مستعجلين قامو على الجمال دلوهن قوالو ليها الجبنة دى بتلزمنا بفراش ورسلوا لينا نحنا البنعازيهم واصبحوا مفرشين وجيناهم اديناهم الفاتحة والساعة 9 ولا 10 ود عون قال انا داير ابكى قالو لية تبكى تقول شنو
قلنا لية ات زول ضيف واول شق ليك فى البلد البكاء احقى بيه نحنا
دحين الجبنة ام رقبتنا زي قزازة الروم
وقعت فى ليما ما بهم اللوم
باكيات الفناجين والفحم مردوم
والقلاي ينقنق والامر مفهوم
جات الليفة وقالت انا مانى قاعدة قلنا ليها ماشة وين قالت اصبح ظعيط ومعيط عصرات نبي الله سليمان قلنا ليها الكلام دا اعوج عليك قالت امى خترت انا قاعدة فوق شنو احتمال ربنا يعوضك قالت من اتعوض فى والدو ماسمعتة بي
قالت الليفة كجنت القعاد فى البيت
اخير لى الهواء اتبع ظعيط ومعيط
محل ما تهف على جلستها الفى رقبتها الختخيت
فوق وشيتة متل الساكوبيس فى الزيت
المصفى بكاء وبكاء بصوت عالى خلاص قلنا لية انت راجل والراجل بستحمل اى عكاسا قال انا ساكت على شنو انا امى خترت القاعد لها شنو انا مبكينى عدم الضهر كان عندى ضهر ماكان امى لليلة ما انطردت وما انفزعت البلد فيها الناس بتجيب المكتولة وفية عمدة وفية قصاص وفية عراف وبرضو تقولولى ما تبكى
قال لقيت المصفى يبكى وصوتو عالى خلاص
قال بي الفقد ماهام حديث الناس
عراف البلد والعمدة والقصاص
كان دفعوا البشارة ببينلهم بصاص
هس الوقاية جات وقالت انا بشتكى ستات البيت ديل الناس ديل قبل عارفتنهم سرقوا هدومهم وسرقو ملحهن وبرضو بفرطن فيهم
قال الليلة الوقاية مقدمة استئناف
امرها شرعى من تفسيرو ما بتخاف
عارفتنو بدرى للملح خطاف
كان فكرن لية بقى ضبانة مابنشاف
جاء الزند اليد طبعا قال انا امى دى مرقتلها لى ضيوف ولسه ما اتت منزلها النمشي اعلونها مافى داعى اخليها
قال فى مركز رفاعة كافة السودان
علونها الزند ممكون يجيك حفيان
من منزلها مارقة تسالم الضيفان
خطاب شالها لبيد بضرى الحيشان
avatar
Alshoukry
المديـــــــــــــــــــــر العـــــــــــــــــــــــام
المديـــــــــــــــــــــر العـــــــــــــــــــــــام

عدد المساهمات : 169
تاريخ التسجيل : 18/11/2011
العمر : 26

معاينة صفحة البيانات الشخصي للعضو http://albutana.mountada.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى