بت ياريم

استعرض الموضوع السابق استعرض الموضوع التالي اذهب الى الأسفل

بت ياريم

مُساهمة من طرف ساري الليل في الثلاثاء ديسمبر 27, 2011 8:28 pm

يا بت يا ريم

من بين النشوة الملت أعطافك

طلت ضحكة وغِشت الوادي

صباح ونعيم

احتجّ الليل والوردة تزورك

ترقص ليك وتصحّي الدنيا

غنا وتقسيم

أنا شفتك طالعة...

بنفسجة تنسج حلم الغابة

وماشي وراك بي لهفة الغيم

وأنا مستني براي وحداني

راجي يعود الفرح الغاب

يا المالية شوارع الحلة تساب

يا الشايلة غناوي الحلة تساب

يا الدافقة بهاك في الغيمة

وكاسية مدايني ضباب

يا الدافنة هواك في الغيمة

وكاسية مدايني عذاب

يا بت يا ريم

ما تشوفي الحسرة الملت الخاطر

ودرب الخوف المُر وأليم

يطلع ليك من شوقي توسل

أطلع ليك من وجعي قرنفل

ألقى ضفاف نهديك المرسى

ومن عينيك يشرق يوم باكر

زاهي وزاهر... باهي وسيم

يا بت يا ريم

يا طلعة شمس الدهشة

الراسمة حروف أشواقا كتاب

هل كان اللقيا تمني

أم كان الوعد سراب

لو تدنو ملامحك مني

أديها ملام وعتاب

يا واضحة طويلة وشامخة

يا واضحة صريحة وشامخة

هل يبقى غرامي تجني

ويشعل في الشعر احساسو

ومقفول من دونو الباب!!

مقفول من دوني الباب!!

يا الدافقة بهاك في الغيمة

وكاسية مدايني ضباب

يا الدافنة هواك في الغيمة

وتاركة مدايني خراب

يا بت يا ريم

أنا شفتك طالعة

بنفسجة تنسج حلم الغابة

وماشي وراك بي لهفة الغيم .
avatar
ساري الليل
عضو مجلس الإدارة
عضو مجلس الإدارة

عدد المساهمات : 99
تاريخ التسجيل : 25/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى