ود دكــــين " من نوادر الفرجوني "

اذهب الى الأسفل

ود دكــــين " من نوادر الفرجوني "

مُساهمة من طرف Eltyeb Elsadig في الأحد نوفمبر 20, 2011 8:13 pm

اجمد ود دكين لا سنية قاصد الهوج
عامتاه فلسة ضارباه الظرووف تكوج
كايس كان إلقالو شعلتاً تمسك حنكو اسبت فيها لا يلوج
شغيلة قطن انشاءالله كان قليع عنكوج
ود دكين لابس نعلات عريك سعدانه مو مركوب
ولافي علي روويسو عقابعمة فيها طريفاً إلوج
رابط فيهو عقاب قرض وحبوب
ود دكين مشاي عجب عيني
قصد ود مدني باكرية ودخلها ضحي
أحتار في العجة والضجة وكترت الحي
في التريبلات البسون دي
ود دكين ربك عليهو كريم
لاقاهو ود ابو عاقله ادريسكبد الديم
ققال ليو دي شن أم بلد العسسبة ذي الغيم
ناس تدبي ذي الجراد والهيم
ود ابو عاقلة جبدو خدا
ولي محل التبابيخ ودا
هناك قهوجو وغدا
وفرجو في التكاسي وللبحر ودا
ود دكين جا راجع الوكالة عصير
لقالو عنقريب أفزر وازر وقصير
ود دكين جبد المكسر غادي
تحت شدرتاً للصبح طيورها تحادي
وغاض في طبقو نوم -نوملو كرفيس ولا مدادي
عمك اصبح اربد ذي جدادة الوادي
avatar
Eltyeb Elsadig
عضو مجلس الإدارة
عضو مجلس الإدارة

عدد المساهمات : 145
تاريخ التسجيل : 19/11/2011
الموقع : Alhasahisa

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى