مجادعة ود الحلال ومروة المغربية

اذهب الى الأسفل

مجادعة ود الحلال ومروة المغربية

مُساهمة من طرف ساري الليل في الأربعاء سبتمبر 05, 2012 9:38 pm

مجادعة ود الحلال ومروة المغربية

من محمد ابراهيم ود الحلال في 5 سبتمبر، 2012‏، الساعة 09:48 صباحاً‏ ·‏


ود الحلال

شبه القمره بيضا وجيها رسمو الدايره

دى المكسبه بى ناعم الحرير والنايره

الفارع طولها يالصديق مقايس تايره

شفتها واللا جاتك فى منامك زايره؟

مروة

فراتق الكتايب يوم تفور الفايره....

ومصقول الحروف يوم المعاجم سايره..

موشوم يوم تتب وكتين تدور الدايره....

بتعافر تهز فوق الدموم الطايره



ود الحلال

ثورات الشعوب الانطفت والثايرة

ماقضن الغرض وجهات نظر متغايرة

ايا المالكة المواهب والقلوب الحايرة

احكمى فينا واحكامك مؤكد صايرة

مروة

يانى الملكله فوق درب المكوك تب سايره...

ومابعقد واغبى وفى الحكم ماجايره...

سجادة الحكومه الفينا يوت متخايره...

مابنديها ريق ان كان تسير السايره



ود الحلال

سبحان الذى ابدع جمالك وفنن

فيكى اليهو كل باقى البنات يتمنن

الخلا العقول من شافتك تتجنن

براطمك العنب الحديثها مقنن

مروة

يسلم قلمك الباهى ورصين ومسنن..

وتسلم انت يالمبروك وفاكا ممنن..

يالفوقته الخلوق تب عقلى ماهو مظنن...

نسلك من ملوك الحور نميمو محنن...

عزرا لى التاخير كنته مشغوله شويه



ود الحلال

يالسهمك قصد مركز فؤادى وجارحو

راكز ليهو حالف ما افوت و ابارحو

ياشبة البيقدل فى خلاه مسارحو

جديا عاشقو لابد امتلكها جوارحو

مروة

ياليل السهم مالبا فينى مطارحو...

اعافر فى هواك كان امتهنلو اشارحو...

علات توب هواك حالفلو ماهو يصارحو...

لايبرد حشاو لامره انسى امارحو



ود الحلال

جمّلك الله بى الاخلاق وزادك فوقه

زوق ورزانه ظاهرة وللكفيف مفروقه

يادهب الخليج مو بالجهاز ممروقة

ناديت الكريم فى الخير يحرر سوقة

مروة

يادقر الوغش وسماتو مو ملتوقه...

يالحرف الرصين نماتو مو مرتوقه....

يالباهى الخلوق انا بيك دوام مشروقه.....

كفلته الرويح لى خوتك منشوقه



ود الحلال

يا ست الحروف الفى الدهب مخجوجة

نظمك يلهب الحاسه ويزيد الهوجة

ايا بت الاصول الباسماح ممزوجة

فيك الشكرة تب مامن خيال منتوجة

مروة

ملثمه بى العفاف حشانى مو معجوجه....

وبتلاوح بخز فى اب كلمة مطجوجه....

مهما غبا تب والنمه جاءت مغتوجه...

بخبر ريقه تب حشانى مو مطفوجه



مروة

ديمه مشكرين نمتنا مو معوجة..

وحرفنا ماهو مال لامننا الملتوجه...

يالدوداب سلام يالهمتك مسيوجه...

بت اسد المخاض يوم تصطفى المرجوجه

مروة

يامصعب سلام خي ورفيقى نضامى...

يالبرق الشلع وسدنى رااسى لجامى....

وحدك يالبليغ قادر على احجامى....

دايراك لى اخو وتخبرنى تبقى امامى

ود الحلال

يامصعب الصديق تراك الهامى

فى النم الرصين يانى البكربو حزامى

قول لى مروة ياست الدميم الحامى

ماتتحدى للفارس الجسور وعصامى

ود الحلال

ياغيمة السعد الفوق حايتنا اتظلت

بالحر والسموم قبلك ضهرنا مظلت

اسباب الفرح والابتهاج الظلت

بى شوفتك يلين الكان قليبو مظلت

مروة

برااااك حاسسبو حسسك وماهو قالو كلامى....

وخابراك النجيض فارسا بيملاء مقامى...

علات ااالبصير انا ماليه تب هدامى....

مايانى البلين اوبنكسر نجاااامى

مروة

فى نضمك قبيل حيرنى معنى كلام...

ومانى البتروش وابدا العقيق السام....

قلته الوحك انى الموقره شاااام....

فوقى العفه راسيه وليكا منى سلام



مروة

موية الخوه لاحت واستظلت...

وغرزت فينا تيراب مو مظلت...

عجت وانتشت عقب اكتظلت...

وفاعلت الهويدا وااااختظلت..§¥
avatar
ساري الليل
عضو مجلس الإدارة
عضو مجلس الإدارة

عدد المساهمات : 99
تاريخ التسجيل : 25/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى