غنا حاضره لشخص معزوز عندي

اذهب الى الأسفل

غنا حاضره لشخص معزوز عندي

مُساهمة من طرف ملسوع الغرام في الجمعة مايو 03, 2013 8:40 pm

غنا حاضره لشخص معزوز عندي
ود الخاويه
‎ Tuesday, April 30, 2013 at 10:26am

يارب مالو مابيني وتريدني عيونو
وهو عارفني سلفآ مابعيش من دونو
الصداني من باحة غرامو وكونو
أمرد وديسو كابي والحور في عيونو
.=
عشقآ ليهو صاينو وليا مابي يصونو
بمد ماعوني بي ريدو ومنع ماعونو
قلبي الراد دخل كورس العذاب وفنونو
ماترتالو لكن الله بس في عونو
.=
الشال دابو نوارو وفتق في غصونو
أهلو حساده رحلوبو ومنيعه حصونو
مختالآ بطرز في خلاهو وبونو
أنا خلالي قيدي وعقلي شالها فطونو
.=
ماشف كيف خدودو وكيف أحور نونو
طاعن قلبي بي دلعو وسنين مسنونو
البسحر جمالو ومابطيب مجنونو
متي ياربي أسكر من صوافي دنونو
. =
أنا يا أب طه لي أزمان حملته متونو
مفتون بي سر وأنا بي النهار مفتونو
كبدي الدامي قيح جرحو عاد لي نتونو
دور قلبي عشقآ وأمسي ظابط تونو
. =
عفيفه طبعتو موفور زوق بعيده شطونو
واحل وطرفو كاحل ومو البهيله بطونو
الفي قلبي كاجر خيمو سوا قطونو
عاود لسني لي طربيق قوافي رطونو
. =
الفي القر بعرق وجسمو بدلي سخونو
عندو تلاته زرق وتلاته فيها تخونو
التاقالي بي دلعو وجفاو وجخونو
هل يمكن يمر بي خاطري يوم وأخونو
.=
جافل مني راغب قربي طبعو حزير
مع أماتو باقياتنلو حرس ووزير
إنا معزور مقيد وعندي برضو عزير
بيني وبينو برميلين وباب والزير
. =
نظم الآن وبي حضرة جناب الغالي
مو مواركني لكن من بعيد بصغالي
الباقيلي همي وشغلتي وأشغالي
عشقآ دام سنين لالغيتو لاهو لغالي
avatar
ملسوع الغرام
عضو مجلس الإدارة
عضو مجلس الإدارة

عدد المساهمات : 191
تاريخ التسجيل : 23/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى