مطارحة شعرية بين الفرزدق سجم الرماد و محمد سليمان بحر

استعرض الموضوع السابق استعرض الموضوع التالي اذهب الى الأسفل

مطارحة شعرية بين الفرزدق سجم الرماد و محمد سليمان بحر

مُساهمة من طرف Alshoukry في الثلاثاء مايو 20, 2014 7:35 pm

مطارحة شعرية بين الفرزدق سجم الرماد و محمد سليمان بحر .

محمد سليمان بحر :
معاك ياالعشنا قصة حبنا الأسطوره
ضقنا نعيما لامن وقعت المسطوره
أيام المــــناجاه الما بنلمس طوره
برضها لم تزل محفوره فينا سطوره
......................
الفرزدق سجم الرماد
معاك بعد الدرت كبس المسور ومطورا
ودنيانا اليباب عبت اماني شطورا
بعد زيف الوداد شمت قلوبنا عطورا
دقشنا جراد فراق صادت خريفنا خطورة

محمد سليمان بحر
انا يا الفرزدق الفائق فصيح بني دارم
فراق الرايدو قاد منصح مزاجي وشارم
خوف اللوم مخلي أحوالي زي الغارم
مافي طريقه اعمل فيها خارم بارم

الفرزدق سجم الرماد
وانا فرق البريد خلاني دحشاً كارم
بقيت حاسب الثواني واحاحي شوقي العارم
حسايس الكفلو هجمة وفي الوسط متبارم
تركني براي اضحك وتاني أصد منطارم

محمد سليمان بحر
انا لي نفسي من الغيرو طوعا حارم
بشوف جيلو المعاهو علي كأنو محارم
ممنوع مسو لي امثالي زي الحارم
دموع أشواقو خلن وشي دايما وارم

الفرزدق سجم الرماد
اللين مع الغير لي دايماً صارم
فوقو نظمت در ما قالو ود الجارم
غرام الفي الكبد سهمو المسنن خارم
يزيدو صبا ونضار ويسيبني ذي متهارم

محمد سليمان بحر
قول للفرزدق صاحبي إني مضييم
من الخله جيش الريده عسكر وخييم
الأثكل امهات وأرمل وأيتم وأييم
انا مجنون هواهو وبرضي بيهو متييم

الفرزدق سجم الرماد
قول لي ود بحر القلبي بيهو اتهيّٓم
بي دهب الجبال حنو ولماهو مقيّٓم
الخلقوهو فلتة وبي دلالو مشيَّم
مطرق صدو وااااقف وليهو يوم ما نيَّم

.
avatar
Alshoukry
المديـــــــــــــــــــــر العـــــــــــــــــــــــام
المديـــــــــــــــــــــر العـــــــــــــــــــــــام

عدد المساهمات : 169
تاريخ التسجيل : 18/11/2011
العمر : 26

معاينة صفحة البيانات الشخصي للعضو http://albutana.mountada.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى