ونسه بين جمال عثمان ود جادالكريم ؤود فرح

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

ونسه بين جمال عثمان ود جادالكريم ؤود فرح

مُساهمة من طرف جمال عثمان ود جادالكريم في الأربعاء نوفمبر 19, 2014 10:38 pm

جمال عثمان ود جادالكريم

عوووك ا الغالي لعلك طيب ا الحبوب
مالك مختفي وناسينا من مكتووب
عارفك دود وحق الخوه مفصلو توب
هاتلي اخبارك المبروك نغم اندوووب

ود فرح

حباب المنو كاس النميم مصبوب
مرحبتين حباب ال للقلوب محبوب.
وسخ الزايله شاغل بالي يالحبوب.
من الشرقه نرجع للديار يادووب

جمال عثمان ود جادالكريم

تسلم يا ابحروفن ديمه تامه الكيف
هادي الدنيا حالها واصلو ما بتقيف
دام مبسوط وعافيه درت وخريف
دا المقصود يا ضراعي الاصم وعفيف

ود فرح

سلمك الله ياأب إيدن سخييه خريف.
بتسوق الغوافي بدون عنا وتكليف.
أنا ناقصني شيتا" يابشوش الضيف.
ألقاك وين وأقابلك يالمؤصل كيف

جمال عثمان ود جادالكريم

ابشر بالملاقاه يا العذيذ الغالي
هادا مناي نتقابل وجوه ونسالي
كان المولي يسر واكتمل لي فالي
بقولك عوك وبطلع ليك جزم طوالي

ود فرح

حبابك طن بكون إنتم لي آمالي.
لي شرفا" عظيم لاعن جذور أنسالي.
يوم تطرانا ياسيد المقام العالي.
لاتشاورنا اقصد باص حدب طوالي

جمال عثمان ود جادالكريم

الله يعذك أ سيد الرجال الكرم
دي المحريه فيك عايف دوام الجرم
يا البتفك قريافت الجميعهم خرم
سيد واجب وما بتكفي من الفرم

ود فرح

وحاه إسم الله وأيام الحجيج الحرم.
ياك فراج غبينت المن وجايعو الصرم.
قشاش الهموم بعد الإله بترم.
دامت خوتك وإت لي رفايقك دم

جمال عثمان ود جادالكريم

قسم بالله يا العذ خوتك محفوض
بعد المولى اياك البتفرج حذمة المعقود
يا ابذرد البشيل حمل الصعاب الدود
تسلم ويسلمو النسلوك عموم وجدود

ود فرح

تربايه الجدودو قبييل أكان إسود.
يحفظك الله بي عم وتبارك وهود.
يديك الله في الزايله العمر ممدود.
وتسلم ليا يالبي كدتك بتجود

جمال عثمان ود جادالكريم

حرفك ليا عاد الكان قديم مدسور
فهمك منو قافيات النميمي بحور
ات يا مبدع الدوبيت وناظمو سطور
ونستك كايفه حرم غير فشار ؤبخور

جمال عثمان ود جادالكريم
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى