الصافي دهب الخزانة

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

الصافي دهب الخزانة

مُساهمة من طرف Alshoukry في السبت نوفمبر 19, 2011 10:59 pm

الشاعرة الحرم بنت عبدالإله أبو سن
قصيدة..
((الصافي دهب الخزانة))

قالتها في طفلها البكر في حوالي عام 1908م ،تاريخ ميلاد ابنها
عبدلاه،وفيها تمنيات طيبة له بان يكون رجلاً عظيماً مرموقا
يسود قبيلته ويقود أل بيته إلى شتى أنواع المكارم من شجاعة
في الحروب وكرم وقيادة ورئاسة يؤهلها له مجده الأسري وعزة
اهله وحسن قيادتهم وتدبيرهم لشؤون القبيلة.
ومما يجدر بالذكر أن هذه القصيدة وجدت رواجا شديدا وقد غناها
المشهورون من فناني الغناء في السودان،مثل الأستاذ عبدالكريم
الكابلي،والأستاذ الأمين عبدالله البنا،والأستاذ المقيم الراحل عليه
الرحمة والمغفرة،فنان محافظة البطانة بن رفاعة الخلوق المرحوم
أبوبكر عبدالرحمن أدم (( أبـو )) وهي مسجلة بأصوات هؤلا الفنانين
في الإذاعة السودانية.

الصافي دهب الخزانة

الصافي دهب الخزانة الدولة أم فُوت سِيد بكانة
البريدو ود شيوخ البطانة
شدوا لي البِمغِي الرُسانة ومرق الما بدورلُه عانه
يقيم الليل بي الديانة ويحل مقبوض الضمانة
بريدو ود شيوخ البطانة
مرق ود بيت الفضالة تِيتب لي الهاكعة شالها
عظيم بلحيل يا ابقدارة نسِل قريش في الشطارة
البريدو ود شيوخ البطانة
مرق الطاهر بيانه وفروخُه زاربين حصانه
ساس الخير حـد بكانه ووريث التاج من زمانه
بريدو ود شيوخ البطانة
مرق ود كُرس الحكومة البِقُش دمع الظلومة
الضايقة بفرج همومها والواجبة بِعرف لزومها
البريدو ود شيوخ البطانة
شدوا ليهو الصرَّ كُوره ونقروا نحاسه وطبوله
عَوق الآلافْ بجـولو وثـقاة الناس يشهدوا لُه
بريدو ود شيوخ البطانة
شدوا ليـه البنسف سبيبه ومـرق المابعيق قريبـه
أمين للجار يا حسيبه جليس البارعين وضيبه
البريدو ود شيوخ البطانة
شـدوا ليهـو الكورُه صَـرَّ وما مسفـوه ما مَخـَلَّ
الفـروخ بارياهـو صُرَّة وحـننو ولعـقولنـا سَرَّ
بريدو ود شيوخ البطانة
شـدوا القـارح جـواده ووافـر للعـامـة زاده
عبدالأه يبلغ مراده عَلِي الهايكوت ركبُه قَادُه
البريدو ود شيوخ البطانة
قضى أوقاته وفروضه ومرق السابلات عُروضُه
عُـوق الآلاف بِـقُـودُه حـارسُه وصِنعـة جـدُودُه
عِبدلآه يبلغ قُـصودُه ومِتل حاتم يحكوا جُودُه
بريدو ود شيوخ البطانة
عبـدالاه دقـر الحرايـق ونـافي العـيب والنفـائق
ودارس سالـك الطرايـق وفـارس جـاب الحـقائق
راسي وفي جلوسه رايق يحل المسجون وضايق
البريدو ود شيوخ البطانة
عـبدلاه الفرسـان صمِيـمُن بِشـلع عِيقـان زحيـمُن
جــده البِـيهَـات عَـظـِمُن مـلـك ذاوات ما نـديمُـن
بريدو ود شيوخ البطانة
أب رسـوة الفي يُـوي مقيله وبسمع ظيطه وكريرُه
قُـودْ العُـوق يا دليلُه ودقـوا نحـاسُه الحـَرَسُه هِيلُو
سَحـَبْ المجـدول حـَريرُه بَـرا الكرار ويـن مثِيله
البريدو ود شيوخ البطانة
يـوم القِـيلـة بنـعايـن بالطـاقـات مـا هــو بايـن
صعب في السوق ماهوهاين تقيل موزون بالقباين
قَــدَم دَوَّرْ بالـعـسايـن ومـنـع القــش والبطـايـن
بريدو ود شيوخ البطانة
شـدوا لـي قَـارحُـه المَـقـلـد ونـهـم تـيلادُه المـَوَلَّـدْ
نـسـف الكِـيـس ليـنا جَـرد شِيـشك للـدمعُـه بَـرَدْ
البريدو ود شيوخ البطانة
غَـلَّقْ نيـل التَّـسابـهَ وقـائـد راس الحـرابـة
قَـاطِع عـاقْةَ القرابـة بَكـَانْ المـوت ما بِهـابهَ
بريدو ود شيوخ البطانة
غـلـق زاد مـا مـخـاده ومـرق الخـاتي البـلاده
النصُر والفال هِيله عادة بِجبِد ناس في الشهادة
البريدو ود شيوخ البطانة
غَـلَّـق زايـد مِسـدِّرْ ومـرق الـلِّـروحْ بِـودِّر
لِبِـسْ حَـافُـله المِبـدِر جِـدُهْ بـضارِي وبْحـدِّرْ
بريدو ود شيوخ البطانة
غَـلـقْ دآبـي الـرَوايـمْ ومَنَـع البِـي رِدُه حَـايِم
عـبدالاه قـاد النعايم جـليسْ الفي قـصورُه نايم
البريدو ود شيوخ البطانة
شدوا ليهو أم جَرَاسَة ومرق ود بيت الدراسة
طاهر خاتي النجاسة ومِتِل خالد في الفراسة
بريدو ود شيوخ البطانة
شدوا لي النقرن جروسه شويم شايل عروسُه
مَاهِل طيباتْ نـفوسًه داري وسَاهـلات فُلوسُه
البريدو ود شيوخ البطانة
شـدو ليه قـارحُـه البِلاوي وشويـم لي بيـته ناوي
عظيم ود عُمد المقاوي وقَدُرْ ما أقولْ ليهو سَاوِي
من تحقيق: راشد بلال علي - منتديات رفاعه أونلاين
avatar
Alshoukry
المديـــــــــــــــــــــر العـــــــــــــــــــــــام
المديـــــــــــــــــــــر العـــــــــــــــــــــــام

عدد المساهمات : 169
تاريخ التسجيل : 18/11/2011
العمر : 26

معاينة صفحة البيانات الشخصي للعضو http://albutana.mountada.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى