مسدار أم شديدة.الصادق

استعرض الموضوع السابق استعرض الموضوع التالي اذهب الى الأسفل

مسدار أم شديدة.الصادق

مُساهمة من طرف derwish_x في الأربعاء نوفمبر 30, 2011 4:01 pm

يسوج من ليلو ودناقة الشمال وإسلج
وعارفو الليله رفرف قلبنا الكان دلج
بعيدة لتيبة الحقن ام ثماراً علج
آكان مانشوفا هماً فوقنا مابتبلج

(2)
اكبر لي رغيبة الفجر وهي توازيلي
وادهور واسج الحمدو ماتمشيلي
وكت المولى فكه علي ام شديده وكيلي
كيفي ضمانو في ضراع الكزازي زميلي

(3)
نهمت الهندي و اب تلة المرايحو الصيد
شرع رسنو و هبر منو الرباط و القيد
هيا يا قارح القنة الختاهو عبيد
مبيتك يا هجين الدرع سماية أم ريد

(4)
بخيت الخطوة بركتو و شديدو مقاربو
رفع سرجو و فرش قاش المحاقب كاربو
خلف حسكو و تكل كعبي اليمين فوق غاربو
قمز الأريل الضرع الهويدة مجاربو

(5)
نويت بي السفرة واعدت الكريم مختار
يا الجيلاني قدام القوي و سفار
كبري الحلة عقبو القارح أب فقار
فاجر و عندو للأرض الوسيعة أسحار

(6)
تيس غنم النديوات النضيف قربابو
صافي العيش معبرن كلو فوق سردابو
سوا تِخِمِش الكتح العجاج لي كلابو
داير يواغل الحافظ الحضور و غيابو

(7)
جيت فوق المشايخ عندي شامك الحيل
أولاد مطرق العزة و معاتي الخيل
ملكة لندن أم غفراً بحوم بي الليل
عليها بضوق القارح عذاب الويل

(Cool
أديت السلام لي الحار و ناوي السفرة
جبدتو و حولق السمع المقاشر الصفرة
بريبة غنم جبرة المرادة القفرة
عليها إتسولب الشوح أب جريا طفرة

(9)
إتعدي الكباري و سفل أب حوفية
ضرع البونة و أصعت هوا الباكرية
تور أم درمة فلخ بي الوطا المروية
يعني و نيتو مرواح أم شديدة عشية

(10)
عدى السبعة و القلعة العريضة يمينو
خلي السرج متل دق الموسيقي رطينو
جفل الكاهن الأبا يتعرِفلِي قرينو
داير يواغل اليبس لحمنا حنينو

(11)
عقب الناجحي ود القارح اب فقار
يا سامع نداي من عقرب الحفار
قصدو يواغل اللينة السماحة كبار
كان تبرد عضامنا الواجة فيها النار

(12)
عقب القيت صبي الدينكا المشاشو معول
و في دلعو الكتير قنب براي بتهول
قصدوا يواغل الملكة العليها مؤول
قبال الطوارف و النهار يتحول

(13)
بين الضروة و المارينبة جاتو الشاقة
و إتحضر لها أب أيدا حديد مي راقة
بعيدة لتيبة العين أم رعودا داقة
عنكوليبة مي القصبة المسيخة و لاقة

(14)
داك شرف السمير الطارلو من قدام
جمعوا اب قجة ديك ربدة الأبا الحوام
واغل الغيرا ما خلت قُماراً قام
لابسة التاج مدهب و سلطة قايد عام


(15)
زوالات الصقيع المسمي بي أب عشاش
جاهن يسوي دلع الفارس الهواش
الليلة أم سلاحا ضربو مو خراش
بنشوفا العشا و نجلس عمرنا إن عاش

(16)
داك شرف الدقن يا ود عزاز النوق
جسمك حارب اللسة و سرقة السوق
وكتين الإمور إتحلحلت من فوق
أمانة الليلة ما تضوق كيف و توجد زوق

(17)
قناطير الصعيد جاها الغريري مشور
زي قارح الروينة اللي وحيشه مدور
واغل الجرحه ينزف في فؤادي معور
عفيفاً في مهامي الساحة مو متهور

(18)
فكك سرجي ما تبرد شوية تلين
بعيد يا ......... ناظر البشاريين
واغل الحادق الفي عصرو مالو تنين
أنا الليلة من وحاتي عندي ونين

(19)
عقيدات العجول ........ وخرهن
حبوباتو .........................
وكت العايدات رب العباد زاخرهن
الليلة أب لبب ناس سمحة عنده خبرهن

(20)
جاتك هسع الفزرا أم صقيعتاً ماكنة
اتحضر لها الشوح اب حفافتاً داكنة
إنحلت إمورنا الطولت متعاكنة
هيا لي جدية الريل أم حسايساً ساكنة

(21)
ديك قبة عزيز طارت صباح الخير
جاها يسوي لعب الصافق الابقير
عشية جلوسه عند الكيفه مو دفير
حالية ذكرتو عندو و عالية عند الغير

(22)
جا خاتم القهاوي و قصرها الجمهوري
نغشاهو و نسلم و لا نمشي ضروري؟
كاجرني المنسل من عضام الحوري
يانفس الصبر لازم عشية تزوري

(23)
حوش المدرسة البي القون جرو وليداتو
كوش منو تيس قنه الكبار شبحاتو
نشفان ماعرق وأتباهلن دوماتو
راكز فوق اصل جدو وحرارت اماتو

(24)
بيت ود القبيلة الغادي من كبوش
برك عندو جملاً فرشو مو هتوش
جانا متلب الفي عرضو مو منبوش
رجانا السرير شيخ العرب مفروش

(25)
قبال نشرب الليمون سعلنا مبدر
من صحة عشوقو الوجهه مو متكدر
أدينا السلام من الغرامو بودر
قال ليك البحر يا الليلة بينا مسدر

(25)
آمر يدلو قارح القنة من الشد
متضرع خلايا طولو ما بنعد
من بيت العزيز ليهو العلوق إنمد
................................

(26)
إتشمر ضبح واقفين يقضو غروضو
في سراع شبر الحسبن تمانية جدودو
مشغول بي كرم ضيفو و بذل مجهودو
مو عارف قلبنا بشاشي لي مريودو

(27)
قضي من لازمه شدينا العزاز و عوادي
مطبقات جمالنا و في السجار بنجاضي
ماسكين ذكرة الستات قريبة و غادي
قال لي يا نديم ديلك كهارب النادي

(28)
كبوش الكريم بي شهمة ضرب لينا
قال يوما بخيت لازم تبيتو علينا
قلنالو السماح زمنا قريب شدينا
داعينا الرئيس من بدري رسل لينا

(29)
عقبنا المدرسة و خشينا كبد الحلة
ماشين بي إنبساط من غير غضاضة و علة
سلام يا منزل القايد صعيد الحلة
نديم ذوات جليس ناساً عظام و أجلة

(30)
ارجانا الحرس عند بابو واقف بره
قال لينا الدخول هنا بي الاذن مو شره
قال لي كلم اللينه ام غراماً حره
جاتنا تتاتي نستنا الثبات بي المره

(31)
آمر يدلو زمل الشايه من الشد
ويدوهن علوقن بي الطشاته إنمد
باب المكتب القدامي فوقنا إنسد
طايبنا وقدمنا الزوقو مابنعد

(32)
خشينا القصر جانا النسيم والهيف
ووقفت بي كرم سيد المحل والضيف
حكرت لي القلايه العودا مو هليف
دفست روسنا لامن دفقن في الكيف

(33)
أنجمعن خلاس من الشتات افكارنا
ماسكين ذكرة الستات ونكوي سجارنا
مع ست الصبا اللينه ام غراماً غارنا
تايهين في الكيوف لامن قبضنا حمارنا

(34)
لمت عدة البن الصباح بي بشاشه
دور صندل البكريها ماهو غباشه
قلبت مقنع المستور وجانا دعاشه
مضروب الصبر لومني ان دخر وإتراشه

(35)
يا الشيخ السخي السطواتو مابنعدن
واقف لي الوداع لامن جمالنا إنشدن
أدهور بعد خمساتو لي إنمدن
حسيت بي ركايز قلبي تب إنهدن

(36)
واعدت الظريفة وقلبي سوى الهوبه
يانوح عيني امست بي السهر منكوبة
أكان مو شقاوتي في لوح الأزل مكتوبة
ما والفتها وعقب العمر ملعوبا

(37)
قايد المملكة أب تاجات قدم واعدني
بي سببي القوي و نومي اللذيذ أبعدني
إتشاقيت بعد رب العباد ساعدني
هو سفل ختاني و أنا الزمن صعدني

derwish_x
عضو جديـــــــــــــــــد
عضو جديـــــــــــــــــد

عدد المساهمات : 3
تاريخ التسجيل : 30/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسدار أم شديدة.الصادق

مُساهمة من طرف Alshoukry في الخميس ديسمبر 01, 2011 5:34 pm

الشاعر الصادق و آمنة من فطاحلة شعراء البطانة, أثرى الساحة الشعرية بروئع من الشعر الجزل القوي..
لك التحية دومــــــاً
نشكرك على المشاركة
avatar
Alshoukry
المديـــــــــــــــــــــر العـــــــــــــــــــــــام
المديـــــــــــــــــــــر العـــــــــــــــــــــــام

عدد المساهمات : 169
تاريخ التسجيل : 18/11/2011
العمر : 26

معاينة صفحة البيانات الشخصي للعضو http://albutana.mountada.net

الرجوع الى أعلى الصفحة اذهب الى الأسفل

شكرأ علي المرور اخي الشكري

مُساهمة من طرف derwish_x في الثلاثاء ديسمبر 13, 2011 8:37 pm


شكرا لك علي المجهود القيم الذي تبزله لرفعت اهل البطانه
تقبل خالص التحاي .احمد

derwish_x
عضو جديـــــــــــــــــد
عضو جديـــــــــــــــــد

عدد المساهمات : 3
تاريخ التسجيل : 30/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسدار أم شديدة.الصادق

مُساهمة من طرف Alshoukry في الخميس ديسمبر 15, 2011 9:28 am

لك التحية دوما .. أحمد
و انت تشارك معنا في إثراء هذا المنتدى بكل ما هو فريد وجديد.
نتمنى مزيدا من التواصل والمشاركات
ودمت
avatar
Alshoukry
المديـــــــــــــــــــــر العـــــــــــــــــــــــام
المديـــــــــــــــــــــر العـــــــــــــــــــــــام

عدد المساهمات : 169
تاريخ التسجيل : 18/11/2011
العمر : 26

معاينة صفحة البيانات الشخصي للعضو http://albutana.mountada.net

الرجوع الى أعلى الصفحة اذهب الى الأسفل

رد: مسدار أم شديدة.الصادق

مُساهمة من طرف اسامة نور الدائم في الأربعاء ديسمبر 25, 2013 4:03 am

بسم الله الرحمن الرحيم

السلام عليكم


القصيدة أنزلتها أنا في منتديات عكس الريح ... في بوست "الغنا والدوبيت والقنص في بادية السودان" رغم أن صاحب هذا البوست لم يورده ... وهي عبارة عن تفريغ لما أنشده الشاعر إبراهيم ود اللبيح في قناة النيل الأزرق ... وهناك بعض الكلمات التي لم اتيقن منها فوضعت بدلاً منها نقاط ...

الغرض من هذا الرد هو التنبيه بأن هذه القصيدة عبارة عن مسودة .. وليست مؤكدة ... وقد وضعت تنبيهاً عليها بذلك .. فشل الناقل في نقله مع المسدار ... وقد وضعتها لأهل العلم من أهل البادية ليقوموا بتصحيحها ... ولكن حدث أن أزيل البوست لاسباب ما زلنا نجهلها حتى الآن ... فالمرجو الحذر في إعتماد هذا المسدار ... والاصل (الفيديو) موجود حتى الآن في يوتيوب لمن أراد التوثيق.
كما أن بعض المسدار (اشدد على بعضه) موجود في كتاب د. احمد إبراهيم عبد الله أبو سن "تاريخ الشكرية ونماذج من شعر البطانة" (ص 379) نقلاً عن الأستاذ عوض الكريم الأدروب - عليه الرحمة - في كتابه "شاعر المستحيل". والذي إنتقده الأستاذ حسن ود دوقة الذي توفي قبل أسابيع - الله يرحمه ويغفر له - وقال بأن كتاب عوض الكريم ليس بكتاب و إنما هو بضع وريقات.
المهم .. كما قلت المسدار في كتاب د. أحمد عبارة عن 19 غنوة (مربوعة) فقط وليس كما أوردناها 34 غنوة على لسان ود اللبيح صديق الشاعر الصادق ود آمنة .. أمد الله في عمره.

تحياتي


أسامة نور الدائم

اسامة نور الدائم
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى